Ош, 25-февраль – Бүгүн Ош шаардык мэриясынын 2025-жылга карата бюджетин бекитүү жана 2026-2027-жылдарга пландаштыруу маселеси боюнча коомдук угуулар өттү. Иш-чарага Ош шаардык кеңешинин төрагасы Болот Баетов, вице-мэр Замир Юсупов, мэриянын экономика бөлүмүнүн жетекчилиги, шаардагы мекеме-ишканалардын башчылары катышты.
Бюджеттик долбоорго ылайык, 2025-жылы шаар казынасынын киреше бөлүгү 3 млрд 425 млн 313 миң сомду түзүп, 2024-жылга салыштырмалуу 414 млн 397 миң сомго же 113,8 пайызга көбөйгөн.
Бюджеттик каражаттардын негизги багыттары
Муниципалдык ишканаларды каржылоо:
Автоунаа муниципалдык ишканасына жеңилдик менен жүрүүгө укуктуу жарандардын жол акысына субсидия – 80 млн сом;
“Ошасфальтсервис” ишканасына – 4 млн 391 миң, титулдук баракчасына 350 млн сом;
“Агрардык чарба” ишканасына – 6 млн 73 миң сом;
“Санарип Ош” ишканасына – 18 млн сом;
Турак жай жана коммуналдык кызмат көрсөтүүлөргө – 952 млн 704 миң сом;
Көрктөндүрүү жана жашылдандыруу ишканасына – 220 млн 36 миң сом;
“Ошсвет” ишканасына – 107 млн 739 миң сом;
Жарандарды тейлөө бюросуна – 14 млн 532 миң сом;
Муниципалдык турак жай-коммуналдык ишканасына – 24 млн 154 миң сом;
Муниципалдык менчик ишканасынын титулдук баракчасына – 151 млн 700 миң сом;
Капиталдык курулуш башкармалыгынын титулдук баракчасына – 431 млн 500 миң сом.
Маданият, спорт жана маалымат каражаттары
Маданият жана спорттук иш-чараларга – 48 млн 650 миң сом;
Борборлоштурулган китепканага – 11 млн 930 миң сом;
Маданият үйлөрүн кармоого – 2 млн 473 миң сом;
А. Сүйүмбаев стадиону жана “Алай” футбол клубуна субсидия – 115 млн сом;
“Ош шамы” гезитине – 3 млн сом;
“ОшТВ” телеканалына – 2 млн сом;
Спорттук медицина жана калыбына келтирүү борборуна – 4 млн 533 миң сом;
Фольклордук-эстрадалык топторго – 15 млн 376 миң сом;
Маданият башкармалыгы жана спорт комитетинин аппараттарын каржылоого – 26 млн 896 миң сом.
Билим берүү жана социалдык коргоо
Жалпы билим берүү мекемелерине – 938 млн 770 миң сом;
Социалдык коргоо тармагына – 30 млн 547 миң сом.
Коомдук угууда бюджеттик каражаттардын максаттуу бөлүштүрүлүшү боюнча сунуштар айтылып, талкуу жүрдү. Бюджет долбоору шаардык кеңеште каралгандан кийин акыркы чечим кабыл алынмакчы.
